Kenya iliwaruhusu kwenda nyumbani wagonjwa watano wa Ebola waliokuwa hospitali baada ya vipimo vya maabara kuthibitisha kuwa hawana tena virusi.

Wizara ya afya ilisema katika taarifa kuwa wagonjwa wawili wa Ebola waliobaki wanaendelea kutibiwa katika hospitali za jijini Nairobi.

Kufikia sasa Kenya imetangaza maambukizi tisa ya Ebola, ambapo wagonjwa wawili walifariki, na hakuna maambukizi mengine tangu Oktoba tarehe 19, wizara iliongeza.

Wameruhusiwa kuondoka karantini

Ilisema watu 46 waliotagusana na mgonjwa wa kwanza wa Ebola waliruhusiwa kuondoka karantini, ikiongeza katika idadi ya watu 20 ambao waliruhusiwa kwenda nyumbani Oktoba 26.

Watu wengine 52 ambao bado wako karantini wanatarajiwa kuondoka kuruhusiwa Novemba 11 baada ya kukamilisha siku 21 tangu walipokuwa karibu na mtu mwenye maambukizi.

Maambukizi ya Ebola yalisambaa kutoka Jamhuri ya Kidemokrasia ya Congo, ambapo mlipuko huo ulitangazwa katikati mwa mwezi Mei, na kufika Kenya kulizua hofu kuhusu mapungufu katika ufuatiliaji mipakani.

Sasa hivi Ebola imesemekana kuwepo katika nchi nne kote mashariki, kati na magharibi mwa Afrika.