| Hausa
NIJERIYA
2 minti karatu
‘Yanta’adda sun kai hari ofishin ‘yansanda a Borno, sun kashe jami’ai huɗu
Kimanin makonni biyu da suka gabata, ‘yan ƙunar baƙin-wake uku sun tayar da bama-bamai a wata kasuwa mai cunkoso da wasu wurare a Maiduguri, inda suka kashe aƙalla mutane 23, a ɗaya daga cikin hare-hare mafi muni da aka gani a birnin cikin shekaru.
‘Yanta’adda sun kai hari ofishin ‘yansanda a Borno, sun kashe jami’ai huɗu
Jami'in ɗan sanda a tsaye a lokacin wani hari da aka kai wani masallaci a Gamboru a kwanakin baya / Reuters
 

‘Yanta’adda sun kai hari wani ofishin ‘yansanda a arewa maso gabashin Nijeriya a ranar Asabar, inda suka kashe ‘yansanda huɗu, sannan kuma suka kai hari wani sansanin ‘yan gudun hijira, kamar yadda rundunar ‘yansanda ta bayyana, a daidai lokacin da ƙasar ke fuskantar ƙaruwa a hare-haren ta’addanci.

‘Yansandan sun ce “ana zargin ‘yanta’addan mambobin Boko Haram/Daesh ne suka kai hari hedikwatar ‘yansandan Nganzai da nufin kwace garin”, wanda ke ƙasa da kilomita 100 arewa da Maiduguri, babban birnin jihar Borno a arewa maso gabas.

Kimanin makonni biyu da suka gabata, ‘yan ƙunar baƙin-wake uku sun tayar da bama-bamai a wata kasuwa mai cunkoso da wasu wurare a Maiduguri, inda suka kashe aƙalla mutane 23, a ɗaya daga cikin hare-hare mafi muni da aka gani a birnin cikin shekaru.

Jami’an tsaro da ke bakin aiki a harin na ranar Asabar “sun gwabza da maharan a wani mummunan artabu”, kamar yadda kakakin ‘yansanda ya bayyana a wata sanarwa, amma “jami’an ‘yansanda huɗu” sun mutu.

Wata ƙungiyar ‘yanta’adda kuma ta kai hari wani wurin tsaro a ƙofar sansanin da ke karɓar ‘yan gudun hijira a Damasak, kusa da iyakar Nijar.

‘Yanta’addan sun kashe ɗan ƙungiyar bijilanti, sannan suka ƙone kimanin bukkoki 20 waɗanda aka yi da ciyawa, kamar yadda ‘yansanda suka ce.

A cikin hare-haren biyu, ‘yansanda da sojoji tare da ‘yan sa-kai na fararen hula “sun mayar da martani cikin gaggawa tare da fatattakar maharan”, in ji sanarwar ‘yansanda.

‘Yan ta’addan Boko Haram da ƙungiyar Daesh mai adawa da ita sun ƙara yawan hare-hare kan sojoji, ‘yansanda da fararen-hula a watannin baya-bayan nan, yayin da Nijeriya, ƙasa mafi yawan jama’a a Afirka, ke fama da rikicin ‘yan tayar da ƙayar baya wanda aka jima ana fama da shi.

 

Rumbun Labarai
ADC ta shigar da kara mai hujjoji 17 a kan INEC kan soke takarar Atiku ta 2027
Jami’an Kwastam na Nijeriya sun kai ziyarar aiki Nijar don ƙarin ilimi kan dabarun tsaro
Jonathan ya yi gargaɗi kan rikicin ƙabilanci da rashin haƙuri a siyasa gabanin zaɓen 2027 a Nijeriya
Nijeriya ta kama mutum takwas bisa zargin safarar hodar iblis zuwa Turai ta Hamadar Sahara
Nijeriya na dab da samar da ‘yansandan jiha yayin da majalisun jihohi 36 suka amince da shirin
Hukumar hana safarar mutane ta Nijeriya ta bankaɗo yunƙurin safarar mutane 1,508
Tinubu ya yi wa mutum 78 afuwa bayan kama su da laifin kai hari ga ayarin motocinsa a Abuja
Majalisar yaƙin neman zaɓen APC ta ƙaddamar da shirin samar da tsaro na Tinubu na shekaru biyar
Sojojin Nijeriya sun kashe 'yanta'adda takwas, sun kuɓutar da mutum 125 da aka yi garkuwa da su
‘Yanbindiga sun kashe wani babban mai bai wa gwamna shawara a Zamfara
Faɗa tsakanin 'yanbindiga da 'yan sa-kai ya yi ajalin mutum fiye da 50 Jihar Zamfara ta Nijeriya
Jihar Katsina ta kaddamar da jami'an kula da gandun daji fiye da 1,000 domin magance matsalar tsaro
INEC ta saka ranar 28 ga Nuwamba domin gudanar da zaben gwaji gabanin zaben Nijeriya na 2027
Atiku ya buƙaci Tinubu ya yi bayani kan matakan da yake ɗauka na kawo ƙarshen kashe-kashe a Nijeriya
Jami'an DSS a Nijeriya sun kama makamai da ake zargi an shiga da su Jihar Sokoto daga Nijar
Tinubu ya bai wa ’yanwasan Nijeriya mata 'yan 17 naira miliyan ɗari-ɗari kan cin Kofin Duniya
Kyari ya musanta asarar naira tiriliyan 210 na NNPC a ƙarƙashin jagorancinsa
Rikicin Nijeriya ya tilasta wa dubban mutane tserewa zuwa Nijar: Majalisar Ɗinkin Duniya
An kashe mutum 418, an sace 227 a cikin wata biyu a Nijeriya, in ji rundunar 'yansandan ƙasar
Nijeriya za ta fara yi wa ’yan ƙasar masu digirin ƙasashen waje jarrabawa don kawar da digirin bogi